Innskráning
Sláðu inn netfang og lykilorð til að komast inn á þitt vefsvæði á pfa.is.
Ef þú ert ekki með aðgang þá geturðu Nýskráð þig hér
Þú hefur slegið inn rangt eða óvirkt netfang eða lykilorð
*Það sem er stjörnumerkt verður að fylla út til þess að skráning verði tekin gild.
Gleymt lykilorð
Skráðu inn netfangið sem þú notaðir þegar þú skráðir aðganginn þinn. Ef að þú lendir í vandræðum með að fá notendanafn og lykilorð sent til þín þá mælum við með því að þú hafir samband við notendaþjónustuna í netfangið info@pfa.is
Þú hefur slegið inn rangt eða óvirkt netfang
*Sláðu inn netfangið þitt:

Notkunarskilmálar

Notkunarskilmálar fyrir einstaklinga og fyrirtæki

1. gr.

PFA er milliliður í prentkaupum milli kaupanda („prentkaupa“) og seljanda („prentsmiðju“) og ber ekki ábyrgð á því að prenkaupi eða prentsmiðja efni skyldur sínar samkvæmt samkomulagi þeirra um prentkaup.

Prentkaupi sendir beiðni um prentverk („prentverkið“) í gegnum vefumsjónarkerfi PFA („vefurinn“) sem aflar verða hjá prentsmiðjum á skrá hjá PFA í prentverkið og miðlar til  prentkaupa.

Þegar prentkaupi hefur tekið verði frá prentsmiðju í gegnum PFA er ferli PFA lokið. 

2. gr.

PFA tekur enga ábyrgð á því verði sem prentkaupi og prentsmiðja sömdu um, eða breytingum á því í framleiðsluferlinu. PFA tekur enga ábyrgð á því ef prentsmiðja skilar prentverkinu of seint til prentkaupa, eða alls ekki, eða prentverkið er afhent gallað.

3. gr

PFA tekið enga ábyrgð á því ef fáar eða engin prentsmiðja gefur verð í prentverk prentkaupa. Ef engin prentsmiðja tekur þátt þá fellur verkið um sjálft sig.

4. gr.

PFA heitir prentkaupa fullum trúnaði um allar þær upplýsingar sem prentkaupi gefur upp í tengslum við prentkaup. Upplýsingar verða ekki afhentar þriðja aðila undir neinum kringumstæðum.

5. gr.

PFA ber enga ábyrgð á því ef prentsmiðja uppfyllir ekki þær gæðakröfur sem prentkaupi ætlast til af þeim eða leiða af lögum og reglum. Prentkaupi skal afla sér upplýsingar um gæði þeirrar prentsmiðju sem þeir velja til að láta prenta prentverkið. Ef upp koma mál þar sem prentkaupi er óánægður með gæði prentverks þá ber PFA enga ábyrgð á því.

6. gr.

PFA tekur enga ábyrgð á því ef prentkaupi skilar ekki inn hönnuninni á réttum tíma til prentsmiðju.

7. gr.

Prentkaupi sem notar vefinn ber alla ábyrgð á því efni sem sent er í gegnum vefinn til prentsmiðju og að það sé í alla staði löglegt og brjóti ekki gegn landslögum. Prentkaupi ber m.a. sjálfur ábyrgð á því að afla tilskilinna leyfa eða greiða lögboðin gjöld ef notað er efni eða mynd sem nýtur höfundaréttarverndar. Ef prentkaupi verður uppvís af því að senda efni í gegnum vefinn til prentsmiðja sem brýtur gegn landslögum verður viðkomandi yfirvöldum gert viðvart og viðkomandi aðila vísað út af vefnum.

PFA tekur enga ábyrgð á því að virkni vefjarins eða tæknilegum örðugleikum sem upp kunna að koma, hverju nafni sem nefnast. Prentkaupi notar vefinn alfarið á sína ábyrgð.

8. gr.

Þjónusta PFA gengur út á það að finna verð í prentverk fyrir prentkaupa. PFA getur aldrei orðið skaðabótaskylt vegna viðskipta á milli prentkaupa og prentsmiðjuPFA er ekki milliliður í ágreiningsmálum á milli prentkaupa og prentsmiðju. Ef prentkaupi nýtir þjónustu PFA við val á prentsmiðju þá skal prentkaupi í framhaldi eiga í viðskiptasamskiptum við viðkomandi prentsmiðju á sínum eigin forsendum og ábyrgð.


Notkunarskilmálar fyrir prentsmiðjur

1. gr.

PFA er prentþjónusta sem auðveldar samskipti á milli prentkaupa og prentsmiðja. Prentkaupi velur úr fjölda prentsmiðja sem eru á skrá hjá PFA. Eftir að prentkaupi hefur samþykkt verð í sitt prentverk hefur PFA lokið sínu hlutverki og prentkaupi og prentsmiðja koma svo sjálf á sambandi milli hvors annars til þess að fullvinna prentverkið.

2. gr.

Prentsmiðjur sem skrá sig hjá PFA ábyrgjast að uppfylla þau skilyrði sem viðkomandi prentkaupi fer fram á. Eins bera prentsmiðjurnar ábyrgð á öllum þeim göllum sem upp geta komið við vinnslu prentverksins fyrir prentkaupa. Prentsmiðjur sem skrá sig hjá PFA ábyrgjast að afhenda prentverkið á þeim tíma sem prentkaupi hefur farið fram á og að gæði vörunnar sé ásættanleg fyrir prentkaupa. Eins tekur PFA enga ábyrgð ef verðið á prentverkinu breytist í framleiðsluferli prentverksins.

3. gr.

Prentsmiðjur sem skrá sig inn hjá PFA eru tryggð að lágmarki 32 mögulegum prentverkum allt frá nafnspjaldi að flóknum og stórum prentverkum. Prentsmiðjur borga PFA sanngjarna þóknun fyrir þá þjónustu að finna prentverk fyrir þær prentsmiðjur sem eru á skrá hjá okkur.

Þóknun PFA er sem hér segir:

Upphæð upp að 80.000 kr. tekur PFA 8% þóknun.

Upphæð frá 80.000 til 200.000 kr. tekur PFA 5% þóknun.

Upphæð yfir 200.001 kr. tekur PFA 3% þóknun.

Öll verð sem prentsmiðjur gefa á vefsíðu PFA eru án vsk. PFA mun innheimta af þeim prentsmiðjum sem tryggja sér prentverk í gegnum okkur þóknun innan 60 daga.

4. gr.

Allar þær prentsmiðjur sem eru á skrá hjá PFA verða að fara með öll prentverk sem trúnaðarmál. Öll skjöl eða annað sem til fellur til prentsmiðja sem eru á skrá hjá okkur eru í eigu prentkaupa og skulu því aldrei verða áframsendar á þriðja aðila án samþykkis prentkaupa. Prentsmiðjur sem eru á skrá hjá PFA skuldbinda sig til þess að halda því efni til haga sem prentkaupi lætur prentsmiðjurnar fá í hendur og skila þeim því aftur ósködduðu í hendur prentkaupa ellega bera þann kostnað sem af hlýst ef efni týnist eða skemmist.

5. gr.

PFA tekur enga ábyrgð á því ef vefurinn er notaður með óábyrgum hætti. Við ætlumst til þess að prentsmiðjur hafi samband við þá sem eru að biðja um verð í prentverk og kanni hvort að viðskiptavinurinn sé raunverulegur áður en byrjað er á því að prenta umbeðið prentverk.