Innskráning
Sláðu inn netfang og lykilorð til að komast inn á þitt vefsvæði á pfa.is.
Ef þú ert ekki með aðgang þá geturðu Nýskráð þig hér
Þú hefur slegið inn rangt eða óvirkt netfang eða lykilorð
*Það sem er stjörnumerkt verður að fylla út til þess að skráning verði tekin gild.
Gleymt lykilorð
Skráðu inn netfangið sem þú notaðir þegar þú skráðir aðganginn þinn. Ef að þú lendir í vandræðum með að fá notendanafn og lykilorð sent til þín þá mælum við með því að þú hafir samband við notendaþjónustuna í netfangið info@pfa.is
Þú hefur slegið inn rangt eða óvirkt netfang
*Sláðu inn netfangið þitt:

Spurt og svarað!

Spurningar

Eruð þið prentþjónusta?

Já við lítum á okkur sem prentþjónustu. Við erum með samanlagða eitthvað yfir 60 ára reynslu af prentiðnaðinum og reynum eftir fremsta megni að tryggja þér þá þjónustu sem þér ber, þ.e.a.s. frábært verð, allt á einum stað og betri yfirsýn yfir þín prentverk. Við erum klárlega prentþjónusta með mikla reynslu.

Ég geri það sama og þið, því ætti ég að nota ykkur? Er það ekki dýrara?

Nei það ætti nú vonandi ekki að vera. Við erum með fjölmargar prentsmiðjur á skrá hjá okkur og í krafti fjöldans ættum við að geta náð frábæru verði fyrir þig. Það er alltaf þannig að sumar prentsmiðjur vantar verk í vélarnar hjá sér og eru því stundum sanngjarnar með verð til þín. Einnig er tímafrekt að halda utan um að fá verð frá mörgum prentfyrirtækjum sjálfur og því teljum við að við spörum þér bæði peninga og tíma. Með því að nota okkur ættir þú eða þitt fyrirtæki að ná frábæru verði á prentun í gegnum okkur.

Mér finnst betra að eiga bein samskipti við prentsmiðjuna mína?

Þú ættir að líta á okkur sem félaga sem getur hjálpað þér að ná í verð fyrir þig frá fjölmörgum prentsmiðjum á einu bretti. Eini munurinn á því að nota okkur er sá að þú færð vonandi fleiri en eitt verð til að velja úr. Þú sparar þú þér einnig tíma við það að þurfa að hafa sjálfur samband við fjölmargar prentsmiðjur. Svo þarft þú ekki að hafa fyrir því að fara í gegnum öll verðin sjálfur og hafa svo samband við þær prentsmiðjur sem tóku þátt í að gefa verð í þitt prentverk. Hér hjá okkur getur þú haft allt á einum stað. Fylgst með öllum þínum prentkaupum. Skoðað aftur í tímann og fengið aftur verð í gömul prentverk. En ef þú vilt sjá um þín prentverk sjálfur þá óskum við þér góðs gengis.

Þið heitið PFA – Prentun fyrir alla. Fyrir hvað stendur það?

Það stendur fyrir því að okkur finnst ekkert skemmtilegra en að finna hagstæð prentkaup fyrir þig. Hvort sem þú ert einstaklingur eða fyrirtæki. Við gerum ekki greinamun þar á milli. Við einfaldlega viljum tryggja þér frábæru verði á prentun og þjónusta þig það vel að þú getir skoðað öll þín prentkaup í gegnum heimasíðuna okkar.

Hvar eruð þið staðsettir?

Við erum eingöngu þitt prentfyrirtæki á netinu. Við viljum hafa þjónustuna þannig úr garði gerða að þú getur klárað öll þín mál sjálfur á einfaldan hátt. Prentun á ekki að vera feimnismál sem aðeins nokkrir kunna. Þetta á að vera einfalt fyrir alla.

Eruð þið ekki með neinar prentvélar hjá ykkur?

Nei. Við munum aldrei vilja það. Það eru til margar góðar prentsmiðjur á Íslandi sem sjá um að prenta gæða prentverk fyrir þig. En við höfum lagt í mikla vinnu við að gera prentkaup aðgengileg fyrir alla á netinu. Þetta hefur kostað blóð svita og tár. Kannski ekki alveg blóð en allavegana svita.

Hvernig metið þið gæði prentsmiðjanna á skrá hjá ykkur?

Flestar stærri prentsmiðjanna á Íslandi eru með frábær gæði sem jafnast vel á við stærri prentsmiðjur út í hinum stóra heimi. Ísland hefur alltaf verið framarlega í prentgæðum í gegnum tíðina. Við í sjálfum sér getum ekki ábyrgst gæði einstakrar prentsmiðja. Það þarf að sjálfsögðu að vera samvinna á milli prentkaupa og prentsmiðjunnar sem prentkaupi valdi til að prenta verkið.

Hvað tekur langan tíma að fá vöruna afhenda frá prentsmiðjunni?

Það fer alveg eftir því hvaða kröfur þú ferð fram á. Sumar árstíðir eru erfiðari en aðrar eins og t.d. desembermánuður. En þar sem við höfum svo margar prentsmiðjur á okkar snærum þá ætti þetta ekki að vera mikið vandamál.

Oft er hægt að fá prentverkið samdægurs.

 

Hvar verður svo verkið mitt prentað?

Það verður prentað hjá þeirri prentsmiðju sem þú valdir. Þegar þú hefur samþykkt verðið frá prentsmiðjunni þá höfum við lokið okkar verkþátt í því að framleiða vöruna þína. Við sjáum einfaldlega um að útvega þér prentara fyrir verkið og þið haldið svo áfram að vinna að því að búa til prentverk úr vörunni þinni.

Hvernig aflið þið tekna á þessu?

Með því að vera með svo margar prentsmiðjur á skrá hjá okkur þá tekst okkur að fá gott verð í þína prentun. Við tökum örlitla þóknun frá prentsmiðjunum sem er alveg nógu lítil til þess að þú fáir samt hagstæðara verð en að fara sjálfur beint til prentsmiðjanna.